योगिन: मार्गे चौहान: - मध्यप्रदेशे २५ (पञ्चविंशति:) विरामदिनानि निष्कास्यन्ते।
भोपाल:>उत्तरप्रदेशे मुख्यमन्त्री योगी आदित्यनाथ: सार्वजनीन-विरामदिनानि ऊनीकृतवान्; शासनक्रममेतम् अनुसृत्य मध्यप्रदेशसर्वकारेणापि २५ (पञ्चविंशति:) विरामदिनानि निष्कास्यन्ते। प्रमुखानां जनन,मरण , वार्षिकदिनेषु दीयमानविरामा: एव निष्कास्यन्ते । २० (विंशति:) त: २५ (पञ्चविंशति:) विरामदिनानि एवं निष्कासयितुम् उद्दिष्टानीति शिक्षामन्त्री दीपक जोशी उक्तवान् । भगतसिंहस्य चरमवार्षिकदिने विरामदानेन छात्रा: तमुद्दिश्य किं पठेयु:?, तथा च विरामदानापेक्षया तत् कस्य जन्म, चरमवार्षिकं वा भवतु; तेषां जीवनं सम्भावनाश्च छात्रान् पाठयाम: इति दीपक जोशी योजितवान्। कानि कानि विरामदिनानि निष्कासयेयु: इति आलोचनायाम् वर्तन्ते। एकस्मिन् शैक्षणिकवर्षे विरामदिनानि ३५ ( पञ्टत्रिंशत् ) इति ऊनीक्रियन्ते इत्यपि सूचना अस्ति। मध्यप्रदेशसर्वकारस्य सार्वजनीनदिनदर्शिकानुसारं ७६ (षट् सप्तति:) विरामदिनानि सन्ति। एतेषु ५४ (चतुष्पञ्चाशत्) नियन्त्रितविरामाश्च अन्तर्भवन्ति। एकस्मिन् अध्ययनवर्षे १५० (सार्धशतम्) प्रवृत्तिदिनानि सन्ति तानि च १८५ (पञ्चाशीत्युत्तरशतम्) इति वर्धयितुमेव सर्वकारै: लक्षीक्रियन्ते।।