केरलविद्यालयेषु अद्य विद्यारम्भः।
कोच्ची> ग्रीष्मविरामकालं समाप्य केरले विद्यालयाः अद्य उद्घाट्यन्ते। सर्वेषु विद्यालयेषु अद्य प्रवेशनोत्सवः प्रचाल्यते। सार्वजनीनशिक्षासंरक्षणयज्ञस्य उत्साहे एव अध्यापकाः रक्षाकर्तृसमितयः अधिकारिणश्च। छात्रान् स्वीकर्तुं विद्यालयाः सज्जाः वर्तन्ते। नवागतान् बालकान् आकर्षयितुं सन्तोषयितुं च विविधाः मनोरञ्जककार्यक्रमाः अध्यापकैः ज्येष्ठछात्रैश्च आयोजिताः सन्ति।